ongieten hæbbe, þonn[e nis þe n]oh[t][1] swiðor þonne ðæt ꝥ þu fo[rloren hæfst þ]a woruldsælða þe þu [ær hæfdest, ⁊ geo]mrast nu forðæm þe hio [o]nhwyrfed is. Ic ongiete genoh sweotule þa woruldsælða mid swiðe monigre swetnesse swiðe lytelice oleccað þæm modū ða[2] hie on last willað swiþost beswican; ⁊ þonne æt nihstan, þonn[e hy] læs[t] wenað,[3] hi on ormodnesse[4] forlætað on þæm mæstan sare. Gif þu [n]u witan wilt hwonan hi[5] cumað, þonne meaht þu ongietan ꝥ hi cumað of woruldgidsunga. Gif þu þonne heora þeawas witan wilt, þonne meaht þu ongietan hie ne beoð nanū men getreowe.[6] Be þæm þu meaht ongietan ðæt þu þær nane myrhðe on næfdest *[ða þa þu hie hæfdest, ne eft nane ne forlure þa] ða þu hi forlur[e. Ic wende ꝥ ic þe] geo gelæred hæfde [ꝥ þu hi oncnawa]n cuðe,[7] ⁊ ic wisse ꝥ [þu hi onscune]dest ða ða þu hi hæfdest, ðeah þu hiora bruce. Ic wisse þæt ðu mine cw[id]as wið hiora willan oft sædest, ac [ic] wat ꝥ nan gew[una] ne m[æg] nanum men[8] bion onwend[ed ꝥ] ꝥ mod ne sy be sumū [dæle onstyred]. Forðæm þu [e]art eac [nu of pinre s]tilnesse ahworfen.
§ ii.[9] Eala [Mod, hwæt be]wearp þe on ðas[10] care ⁊ on þas g[no]rnunga? Wenst[11] þu ꝥ hit hwat niwes sie oþþe hwathwugu ungewunelices[12] ꝥ þe[13] on becumen is, swelce oþrum monnū ær ꝥ ilce ne eglede? Gif þu þonne wenst hit on þe gelong sie[14] [ꝥ] ða woruldsælða on ðe swa onwenda sint, þonne eart ðu on gedwolan, ac swylce[15] hiora þea[w]as sint; hi beheoldon on ðe hiora agen gecynd, ⁊ on hiora wandlunga hy gecyðdon hiora unfæstrædnesse.[16] Swylce hi wæron rihte ða hi ðe mæst geolectan[17] swilce hi nu sindon, þeah ðe hi ðe liolcen[18] ⁊ on þa leasan sælða.[19] Nu ðu hæfst[20] ongiten ða wanclan *[truwa[21] þæs blindan lustes. Þa triowa
- ↑ nauht B.
- ↑ þe B.
- ↑ wænað B.
- ↑ ofermodnesse B.
- ↑ hy B.
- ↑ ne treowe B, for getreowe.
- ↑ cuðest B.
- ↑ man B.
- ↑ Boeth. ii. pr. 1. l. 24 P. 'Quid est igitur, o homo,' &c.
- ↑ þa B.
- ↑ Instead of Wenst . . . ungewislices B has only hwæt hwega ungewunelices.
- ↑ ungewislices J/
- ↑ ðe from B, te C.
- ↑ se B.
- ↑ In B swelce follows sint.
- ↑ un above line C, fæstrædnesse B.
- ↑ geolettan B.
- ↑ oleccan B.
- ↑ leasū sælðu B.
- ↑ From B, hæft C.
- ↑ treowa J.
