For hire love y carke ant care,
For hire love y droupne ant dare,[1]
For hire love my blisse is bare
Ant al ich waxe won.[2]
For hire love in slep y slake,
For hire love al nyht ich wake,
For hire love mournynge y make
More then eny mon.
Blow northerne wynd!
Send thou me my suetyng!
Blow northerne wynd! blow, blow, blow!
(i)
De Amico ad Amicam
A CELUY que pluys eyme en mounde,
Of alle tho that I have founde
Carissima,
Saluz od treyé amour,
With grace and joye and alle honoure,
Dulcissima.
Sachez bien, pleysant et beele,
That I am right in goode heele
Laus Christo!
Et moun amour doné vous ay,
And also thine owene, night and day
In cisto.
