and this disna look like a gude saxpennys, and I dare say this bit morsel o' beef is an unce lighter than ony that's been dealt round; and it's a bit o' the tenony hough, mair by token, that your's, Maggie, is out o' the back-sey."
"Mine, quo' she?" mumbled the paralytic hag, "mine is half banes, I trow. If grit folk gie poor bodies ony thing for coming to their weddings and burials, it suld be something that wad do them gude, I think."
"Their gifts," said Ailsie Gourlay, "are dealt for nae love of us—nor for respect for whether we feed or starve. They wad gie us whinstanes for loaves, if it would serve their ain vanity, and yet they expect us to be as gratefu' as they ca' it, as if they served us for true love and likeing."
"And that's truly said," answered her companion.
"But, Ailsie Gourlay, ye're the auldest o' us three, did ye ever see a mair grand bridal?"
