"I winna say that I have," answered the hag; "but I think soon to see as braw a burial."
"And that wad please me as weel," said Annie Winnie; "for there's as large a dole, and folk are no obliged to grin and laugh, and mak murgeons, and wish joy to these hellicat quality, that lord it ower us like brute beasts. I like to pack the dead dole in my lap, and rin ower my auld rhyme,—
'My loaf in my lap, my penny in my purse,
Thou art ne'er the better, and I'm ne'er the worse.'"
"That's right, Annie," said the paralytic woman; "God send us a green Yule and a fat kirk-yard!"
"But I wad like to ken, Lucky Gourky, for ye're the auldest and wisest amang us, whilk o' these revellers' turns it will be to be streekit first."
"D'ye see yon dandilly maiden," said
