77
When simmer days cleed a' the braes ,
Wi' blossom'd broom sae fine, lassie,
At milkin'-shiel we'll join the reel;
My flocks shall a' be thine, lassie.
Wilt thou go, &c.
I'll hunt the roe, the lart, the doe,
The tarmigan sae sly, lassie;
For duck and drake I'll beat the brake,
Nae want shall come thee nigh, Lassie.
Wilt thou go, &c.
For trout an' par, wi' canny care,
I'll wily skim the flee, lassie;
Wi' sic like cheer I'll please my dear,
Then come awa' wi' me, lassie.
Yes, I'll go, my bonnie laddie;
Yes, I'll go, my braw laddie,
Ilk joy and care wi' thee I'll share,
'Mang the braes aboon Bonaw, laddie.
WHAT WILL A' THE LADS DO.
Words by Hogg. Music by ALEXANDER LEE.
Oi! what will a' the lads do,
The lads do, the lads. do,
Oh! what will a' the lads do,
When Maggie gangs awa.
There's no a heart in a' the glen
That disna dread the day,
Oh! what will a' the lads do,
When Maggie gangs awa?
Young Jock has ta'en the hill fort,
A waefu' wight is he;
Poor Harry's ta'en the bed for't,
And laid him down to dee;
And Sandy's gane unto the kirk,
An' learning fast to pray:
And. oh! what will pair Willie do,
When Maggie gangs awa.
The young laird o' the Lang Shaw
Has drunk her health in wine,
The priest has said in confidence,
The lassie was divine ;
The fairies from their beds of dew,
Will rise and join the lay:
Hey! what a sad day 'twill be
When Maggie gangs awa,
