Page:Scottish minstrel (2).pdf/10

76

MY AIN DEAR LAND.

Words by T. Smibert. Music by Thomas Shrivall.

O bonnie are the howes,
And sunny are the knowes,
That fed the kye and yowes,

Where my life's morn dawn'd;

And brightly glanc'd the rills,
That spring a mang the hills,
And ca' the merry mills,

In my ain dear land.

O bonnie are the howes, &c.

But now I canna see,
The lammies on the lea,
Nor hear the heather bee,

On this far, fur strand;

I see nae father's ha?
Nor burnie's waterfa',
But wander far awa'

Frae my ain dear land.

O bonnie are the howes, &c.

But blithely will I bide,
Whatever may betide,
When ane is by my side,

On this far, far strand;

My Jean will soon be here.
My waefu' heart to cheer,
And dry the fa'ing tear,

For our ain dear land.

O bonnie are the howes, &c.

THE BRAES ABOON BONAW.

Words by W. Gilfillan. Key-note D.

Wilt thou go, my bonnie lassie,

Wilt thou go, my braw lassie,

Wilt thou go-say ay or no—

To the braes aboon Bonaw, lassie?

Tho' Donald hae nae meikle phrase,

Wi' Lowland speeches fine, lassie,

What he'll impart comes frae tho heart;

Sae let it be frae thine, lassie.

Wilt thou go, &c.