89
DAINTY DAVIE.
Words by BURNS. Air very old. Key-note D.
Now rosy May comes in wi' flow'rs,
To deck her gay green-spreading bow'rs;
An' now come in my happy hours,
To wander wi' my Davie.
Meet me on the warlock knowe,
Dainty Davie, dainty Davie
There I'll spend the day wi' you,
My ain dear dainty Davie:
The crystal waters round us fa',
The merry birds are lovers a',
The scented breezes round us blaw,
A wandering wi' my Davie.
Meet me on the warlock knowe, &c.
When purple morning starts the hare,
To steal upon her early fare ;
Then thro' the dews I will repair
To meet my faithful Davie.
Meet me on the warlock knowe, &c.
When day, expiring in the west,
The curtain draws o' Nature's rest,
I'll flee to his arms I lo'e best,
And that's my dainty Davie.
Meet me on the warlock knowe, &c.
 | An image should appear at this position in the text. To use the entire page scan as a placeholder, edit this page and replace "{{missing image}}" with "{{raw image|Scottish minstrel (2).pdf/23}}". Otherwise, if you are able to provide the image then please do so. For guidance, see Wikisource:Image guidelines and Help:Adding images. |  |
CONTENTED WI' LITTLE.
Words by BURNS. Air-Lumps o' Pudding."
CONTENTED Wi' little, and canty wi' mair,
Whiene'er I forgather wi' sorrow and care,
I gie them a skelp as they're creepin' alang,
Wi' a cog o'gude swats, and an auld Scottish sang.
I whiles claw the elbow o' troublesome thought;
But man is a sodgor, and life is a faught:
My mirth and gude humour are coin in my pouch,
And my freedom's my lairdship nae monarch dare touch,
A towmond o' trouble, should that be my fa',
A night o' gude fellowship sowthers it a';
When at the blithe end o' our journey at last,
Wha the deil ever thinks o' the road he has pass'd!
Blind chance, let her snapper and stoyte on her way,
Be't to me, be't frae me, e'en let the jade gae :
Come ease, or come travail ; come pleasure, or pain,
My warst word is.--Welcome, and welcome again!
