90
O! MY LOVE'S BONNIE.
O! my love's bonnie, bonnie, bonnie,
O! my love's bonnie and dear to me;
Tho smile o' her face, and her e'e's witchin' grace,
Are mair than the wealth o' this world can gie.
Her voice is as sweet as the blackbird at gloamin',
When echo repeats her soft notes to the ear,
And lovely and fresh as the wild roses bloomin',
That dip in the stream o' the Carron sae clear.
O! my love's bonnie, &c.
But poortith's a foe to the peace o' this bosom,
That glows sae devoutly, dear lassie, for thee:
Alas! that e'er poortith should blight love's young blossom,
When riches nae lasting contentment can gie.
For O! my love's bonnie, &c.
Yet hope's cheerfu' sun shall aboon my head hover,
An' guide a lone wanderer when far, far frae thee;
For ne'er till it sets will I prove a false lover,
Or think o' anither, dear lassie, but thee.
For O! thou art bonnie, &c.
OUR AIN GUDE TOWN.
Air-"The Young May Moon." Key-note C.
O leeze me now on our ain gude town,
I wat there's few like our ain gude town,
On the crown o' the land there are mony mair grand,
But there's nae ane sae dear as our ain gude town.
There's lads sae rare in our ain gude town,
An' lasses sae fair in our gude town;
The light o' their e'e is the fountain o' glee,
An' it flows to the heart in our ain gude town.
O leeze me now, &c.
O dearly we lo'e thee, our ain gude town,
An' mickle we owe thee, our ain gude town,
The friendship, the love, we were fated to prove,
They were happiest aye in our ain gude town.
O leeze me now, &c.
Then here's to the health o' our ain gude town,
The wisdom and wealth o' our ain gude town,
May plenty an' peace ilka blessing increase,
An' sweet freedom aye hallow our ain gude town.
O leeze me now, &c.
