74
YE'RE MY AIN, LOVE.
Words by J. S. KNOWLES. Music arranged by J.T. MAY.
Ye're my ain, love, ye're my ain!
Forms sae fair I ne'er see mony:
Hearts sae fond, sae true, love, nane !
Ye're my ain! my dear! my bonnie!
Years a score, a score, amaist,
Hae we lo'ed and lived the gither :
Ilk ane sweeter than the last;
Ye're my ain, I hae nae ither.
Will we mak' the ae score twa?
Bounteous still's the power that's o'er us!
Bloomy summer's scarce awa,
Mellow autumn's a' before us;
Long 'tis then till winter, dear,
Comes wi' thoughtfu' smile and greets us !
Far's the close ! yet, far or near,
Ye're my ain whene'er it meets us !
 | An image should appear at this position in the text. To use the entire page scan as a placeholder, edit this page and replace "{{missing image}}" with "{{raw image|Scottish minstrel (2).pdf/8}}". Otherwise, if you are able to provide the image then please do so. For guidance, see Wikisource:Image guidelines and Help:Adding images. |  |
COME UNDER MY PLAIDIE.
Words by MACNEIL. Air_"Johnnie McGill." Key-note F".
COME under my plaidie, the night's gaun to fa':
Come in frae the cauld blast, the drift, and the snaw;
Come under my plaidie, and sit down beside me-
There's room in't, dear lassie, believe me, for twa!
Come under my plaidie, and sit down beside me,
I'll hap ye frae every cauld blast that can blaw
Come under my plaidie, and sit down beside me-
There's room in't, dear lassie, believe me, for twa !
Gae 'wa wi' your plaidie ! auld Donald, gae 'wa,
I fear na the cauld blast, the drift, nor the snaw;
Gae 'wa wi' your plaidie! I'll no sit beside ye;
Ye might be my gutcher ;-auld Donald, gae 'wa.
I'm gaun to meet Johnnie, he's young and he's bonnie:
He's been at Meg's bridal, fu' trig and fu' braw!
Nane dances sae lightly, sae graecfu', sae tightly,
His cheek's like the new rose, his brow's like the snaw.
Dear Marion, let that flee stick fast to the wa',
Your Jock's but a gowk, and has naething awa,
The hale o' his pack he has now on his back;
He's thretty and I am but threescore and twa.
Be frank now and kin'ly : I'll busk ye aye finely:
To kirk or to market they'll few gang sae braw;
A bien house to bide in, a chaise for to ride in,
And flunkies to 'tend ye as fast as ye ca'.
