125
MY WIFE HAS TA'EN THE GEE.
Author unknown. Key-note D minor.
A FRIEND O' mine came here yestreen,
And he wad hae me down,
To drink a pot of ale wi' him,
In the neist borough town.
But oh! alake! it was the waur,
And sair the waur for me;
For lang or e'er that I came hame,
My wife had ta'en the gee.
We sat sae late, and drank sae stout,
The truth I'll tell to you,-
That lang or ever midnight came,
We were a' roaring fu'.
My wife sits by the fireside,
And the tear blinds aye her e'e ;
The ne'er a bed will she gae to,
But sit and tak' the gee.
In the morning soon when I came doun,
The no'er a word she spak';
But mony a sad and sour look
And aye her head she'd shake.
"My dear," quo' I, " what aileth thee,
To look sae sour at me?
I'll never do the like again,
If ye'll ne'er tak' the gee."
When that she heard, she ran, she flang
Her arms about my neck,
And twenty kisses in a crack:
And poor wee thing she gret.
"If you'll ne'er do the like again,
But stay at hame wi' me,
I'll lay my life I'be be the wife
That's never tak' the gee.'
 | An image should appear at this position in the text. To use the entire page scan as a placeholder, edit this page and replace "{{missing image}}" with "{{raw image|Scottish minstrel (3).pdf/15}}". Otherwise, if you are able to provide the image then please do so. For guidance, see Wikisource:Image guidelines and Help:Adding images. |  |
I'LL AYE CA' IN BY YON TOWN.
Words by BURNS. Tune--"I'll gang nae mair to yon town." Keynote F
I'll aye ca' in by yon town,
And by yon garden green again ;
I'll aye ca' in by yon town,
And see my bonnie Jean again.
There's nane sall ken, there's nane sall guess,
What brings me back the gate again,
But she my fairest faithfu' lass,
And stownlins we shall meet again.
