126
She'll wander by the aiken-tree,
When trysting time draws near again;
And when her lovely form I see,
O haith, she's doubly dear again!
I'll aye ca' in by yon town,
And by yon garden green again ;
I'll aye ca' in by yon town,
And see my bonnie Jean again.
 | An image should appear at this position in the text. To use the entire page scan as a placeholder, edit this page and replace "{{missing image}}" with "{{raw image|Scottish minstrel (3).pdf/16}}". Otherwise, if you are able to provide the image then please do so. For guidance, see Wikisource:Image guidelines and Help:Adding images. |  |
MY ONLY JO AND DEARIE, O.
Words by RICHARD GALL Key-note D minor.
Thy cheek is o' the rose's hue,
My only jo and dearie, O;
Thy neck is like the siller dew,
Upon the bank sae briery, O;
Thy teeth are o' the ivory,
O sweet's the twinkle o' thine e'e.
Nae joy, nae pleasure blinks on me,
My only jo and dearie, O.
The birdie sings upon the thorn
Its sang o' joy fu' cheery, O,
Rejoicing in the simmer morn,
Nae care to make it eerie, O.
Ah, little kens the sangster sweet
Aught o' the care I hae to meet,
That gars my restless bosom beat,
My only jo and dearie, O.
When we were bairnies on yon brae,
And youth was blinkin' bonnie, O,
Aft we would daff the lee lang day,
Our joys fu' sweet and monie, O :
Aft I would chase thee ower the lee,
And round about the thorny tree,
Or pu' the wild flowers a' for thee,
My only jo and dearie, O.
I hae a wish I canna tine,
'Mang a' the cares that grieve me, 0 :
A wish that thou wert ever mine,
And never mair to leave me, 0;
Then I would dawt thee nicht and day,
Nae ither warldly care I'd hae,
'Till life's warm stream forgat to play,
My only jo and dearie, 0.
