127
I HAE A WIFE O' MY AIN.
Words by BURNS. Tune-- Naebody." Key-note D minor.
I HAE a wife o' my ain,
I'll partake wi' naebody :
I'll tak cuckold frae nane,
I'll gie cuckold to naebody.
I hae a penny to spend,
There-thanks to naebody;
I hae naething to lend-
I'll borrow frae naebody.
I am naebody's lord-
I'll be slave to naebody;
I hae a gude broad sword,
I'll tak' dunts frae naebody.
I'll be merry and free,
I'll be sad for naebody;
If naebody care for me,
I'll care for naebody.
 | An image should appear at this position in the text. To use the entire page scan as a placeholder, edit this page and replace "{{missing image}}" with "{{raw image|Scottish minstrel (3).pdf/17}}". Otherwise, if you are able to provide the image then please do so. For guidance, see Wikisource:Image guidelines and Help:Adding images. |  |
THE EWE-BUGHTS.
Author unknown. Words and Air very old. Key-note D minor.
WILL ye go to the ewe-bughts, Marion,
And wear in the sheep wi' me?
The sun shines sweet, my Marion,
But nae half sae sweet as thee?
The sun shines sweet, my Marion,
But nae half sae sweet as thee.
There's gowd in your garters, Marion,
And silk on your white hause-bane;
Fu' fain wad I kiss my Marion,
At e'en when I come hame.
There's braw lads in Earnslaw, Marion,
Wha gape, and glow'r with their e'e,
At kirk, when they see my Marion ;
But nane of them lo'es like me.
I've nine milk ewes, my Marion,
A cow and a brawney quey;
I'll gie them a' to my Marion,
Just on her bridal-day.
And ye'se get a green sey apron,
And waistcoat of the London. brown,
And wow but ye will be vap'ring,
Whene'er ye gang to the town.
