117
ARGYLE IS MY NAME.
Words by JOHN, Duke of Argyle. Air-"Bannocks o' barley meal."
Key-note G.
ARGYLE is my name, and you may think it strange,
To live at a court, yet never to change;
A' falsehood and flattery I do disdain,
In my secret thoughts nae guile does remain.
My king and my country's foes I have fac'd,
In city or battle I ne'er was disgrac'd ;
I do every thing for my country's weal,
And I'll feast upon bannocks o' barley meal.
I will quickly lay down my sword and my gun,
An' put my blue bonnet an' my plaidie on,
Wi' my silk tartan hose, an leather-heeled shoon,
An' then I shall look like a sprightly loon.
An' when I'm sae dress'd, frae tap to tae,
To meet my dear Maggie I vow I will gae,
Wi' target an' hunger hung down to my heel,
An' i'll feast upon bannocks o' barley meal.
I'll buy a rich present to gi'e to my dear,
A ribbon o' green for my Maggie to wear,
An' mony thing brawer than that, I declare,
Gin' she will gang wi' me to Paisley fair.
An' when we are married I'll keep her a cow,
An' Maggie will milk when I gang at the plou',
We'll live a' the winter on beef and lang kail,
And we'll feast upon bannocks o' barley meal.
Gin Maggie should chance to bring me a son,
He's fight for his king as his daddy has done;
We'll hie him to Flanders some breeding to learn,
An' then hame to Scotland and get him a farm.
An' there we will live by our ain industrie,
An' wha'll be sae happy's my Maggie and me?
We'll a' grow as fat as a Noraway seal,
Wi' our feasting on bannocks o' barley meal.
Then, fare ye weel, citizens, noisy men,
Wha jolt in your coaches to Drury-lane :
Ye bucks or Bear garden, I bid ye adieu,
For drinking and swearing I leave them to you.
I'm fairly resolved for a country life,
An' nae langer will live in hurry or strife;
I'll aff to the Highlands as hard's I can reel,
An' i'll whang at the bannocks o' barley meal.
