34
Happy, happy was the show’r
That led me to his birken bow’r,
Where first of love I fand the pow'r,
And ken’d that Robin lo’ed me.
He’s tall and sonsy, frank and free,
Lo’ed by a’, and dear to me ;
Wi’ him I’d live, wi’ him I’d die,
Because my Robin lo'es me.
Then fly ye lazy hours away,
And hasten on the happy day,
When, “join your hands,” Mess John shall say,
And mak’ him mine that lo’es me.
 | An image should appear at this position in the text. To use the entire page scan as a placeholder, edit this page and replace "{{missing image}}" with "{{raw image|Scottish minstrel (4).pdf/12}}". Otherwise, if you are able to provide the image then please do so. For guidance, see Wikisource:Image guidelines and Help:Adding images. |  |
THE BOATIE ROWS.
Words by John Ewen. Air very old. Key-note D, joyously
O ! weel may the boatie row,
And better may she speed ;
And weel may the boatie row,
That wins the bairns’ bread.
The boatie rows, the boatie rows-,
The boatie rows fu’ weel;
And muckle luck attend the boat,
The merlin and the creel.
When Jamie vow’d he wad be mine,
And wan frae me my heart.
O! muckle lighter grew my eree:,(illegible text)
He swore we’d never part:
The boatie rows, the boatie rows,
The boatie rows fu’ weel,
And muckle lighter is the load,
When love bears up the creel.
When Sawney, Jock, and Janetie,
Are up and gotten lear;
They’ll help to gar the boatie row,
And lighten a’ our care.
The boatie rows, the boatie rows,
The boatie rows fu’ weel,
And lightsome be the heart that bears
The merlin and the creel.
And when wi’ age we’re worn down,
And hirplin’ round the door,
They’ll help to keep us dry and warm,
As we did them before.
Then weel may the boatie row,
That wins the bairns’ bread ;
And happy be the lot o’ a’,
That wish the boatie speed.
