35
LOW DOWN IN THE BROOM.
Words by JAMES CARNEGIE. Air—“ Major Graham's Strathspey
Key-note C.
My daddie is a cankert carle
He’ll no twine wi’ his gear ;
My minnie she’s a scauldin’ wife,
Hands a’ the house asteer.
But let them say, or let them do.
It’s a’ ane to me,
For he’s low doun, he’s in the broom.
That’s waiting on me :
Waiting on me, my love,
He’s waiting on me :
For he’s low doun, he’s in the broom,
That’s waiting on me.
My auntie Kate sits at her wheel,
And sair she lightlies me ;
But weel ken I it’s a’ envy,
For ne’er a joe has she.
But let them say, &c.
My cousin Bess was sair beguiled
Wi’ Johnny o’ the Glen ;
And aye sinsyne she cries, beware
O’ fause deluding men.
But let them say, &c.
Gleed Sandy he cam wast yestreen,
And speer’d when I saw Pate ;
And aye sinsyne the neebors round
They jeer me air and late.
But let them say, &c.
 | An image should appear at this position in the text. To use the entire page scan as a placeholder, edit this page and replace "{{missing image}}" with "{{raw image|Scottish minstrel (4).pdf/13}}". Otherwise, if you are able to provide the image then please do so. For guidance, see Wikisource:Image guidelines and Help:Adding images. |  |
MY LOVE IS LIKE THE RED, RED ROSE.
Words by Burns. Air—“ Major Grahams Strathspey"
0 my love’s like the red, red rose
That’s newly sprung in June :
O my love’s like the melody
That’s sweetly play’d in tune.
As fair art thou, my bonnie lass,
So deep in love am I,
And I will love thee still, my dear,
Tho’ a’ the seas gang dry.
