36
Till a’ the seas gang dry, my dear,
And the rocks melt wi’ the sun';
And I will love thee still, my dear.
While the sands of life shall run.
But fare thee weel, my only love,
And fare thee weel a while ;
And I will come again, my love,
Tho’ ’twere ten thousand mile.
 | An image should appear at this position in the text. To use the entire page scan as a placeholder, edit this page and replace "{{missing image}}" with "{{raw image|Scottish minstrel (4).pdf/14}}". Otherwise, if you are able to provide the image then please do so. For guidance, see Wikisource:Image guidelines and Help:Adding images. |  |
BONNIE WOOD OF CRAIGIE LEA.
Words by TANNAHILL. Music by JAMES BARR. Key-note 1
Thou bonnie wood of Craigie lea,
Thou bonnie wood of Craigie lea,
Near thee I pass’d life’s early day,
And won my Mary’s heart in thee.
The broom, the brier, the birken bush,
Bloom bonnie o’er the flow’ry lea,
And a’ the sweets that ane can wish,
Frae nature’s han’ are strew’d on thee,
Thou bonnie wood, &c.
Far ben thy dark green plantin’s shade,
The cushat croodles am’rouslie ;
The mavis down thy buchted glade,
Gars echo ring frae every tree.
Thou bonnie wood, &c.
Awa ye thoughtless, murd’ring gang,
Wha tear the nestlings ere they flee !
They’ll sing you yet a canty sang,
Then, O in pity let them be !
Thou bonnie wood, &c.
When winter blaws in sleety show’rs
Frae aff the Norlan’ hills sae hie,
He lightly skiffs thy bonnie bow’rs,
As laith to harm a flow’r in thee.
Thou bonnie wood, &c.
Tho’ fate should drag me south the line,
Or o’er the wide Atlantic sea,
The happy hours I’ll ever mind,
That I in youth hae spent in thee.
Thou bonnie wood, &c.
