40
GREEN GROW. THE RASHES, O!
Words by BURNS. Air very old. Key-note E flat.
THERE's nought but care on every han',
In every hour that passes, O!
What signifies the life o' man,
An' twere na for the lasses, O !
Green grow the rashes, O !
Green grow the rashes, O !
The sweetest hours that e'er I spent,
Were spent amang the lasses, O !
The warly race may riches chase,
An' riches still may flee them, O !
An' though at last they catch them fast,
Their hearts can ne'er enjoy them, O !
Green grow the rashes, &c.
Gie me a cannie hour at e'en,
My arms about my dearie, O!
An' warly cares an' warly men
May a' gae tapsalteerie, O!
Green grow the rashes, &c.
For you sae douce wha sneer at this,
Ye're nought but senseless asses, O !
The wisest man the warl e'er saw,
He dearly lo'ed the lasses, O !
Green grow the rashes, &c.
Auld Nature swears, the lovely dears
Her noblest work she classes, O !
Her 'prentice han' she tried on man,
An' then she made the lasses, O!
Green grow the rashes, &c.
 | An image should appear at this position in the text. To use the entire page scan as a placeholder, edit this page and replace "{{missing image}}" with "{{raw image|Scottish minstrel (4).pdf/18}}". Otherwise, if you are able to provide the image then please do so. For guidance, see Wikisource:Image guidelines and Help:Adding images. |  |
A HIGHLAND LAD MY LOVE WAS BORN.
Words by BURNS. Air " The white cockade," Key-note F.
A HIGHLAND lad my love was born,
The Lowland laws he held in scorn;
But he still was faithful to his clan,
My gallant braw John Highlandman.
Sing hey, my braw John Highlandmạn ;
Sing ho, my braw John Highlandman;
There's not a' lad in a' the lan
Was match for my John Highlandman.
With his philabeg and tartan plaid,
And gude claymore down by his side:
The ladies' hearts he did trepan-
My gallant braw John Highlandman.
Sing hey, &c.
