41
We ranged a' from Tweed to Spey,
And liv'd like lords and ladies gay;
For a Lowland face he feared nane,
My gallant braw John Highlandman.
Sing hey, &c.
They banish'd him beyond the sea;
But ere the bud was on the tree,
A down my cheeks the pearls ran,
Embracing my John Highlandman.
Sing hey, &c.
 | An image should appear at this position in the text. To use the entire page scan as a placeholder, edit this page and replace "{{missing image}}" with "{{raw image|Scottish minstrel (4).pdf/19}}". Otherwise, if you are able to provide the image then please do so. For guidance, see Wikisource:Image guidelines and Help:Adding images. |  |
THE BIRKS OF ABERFELDY.
Words by BURNS. Air" The Birks of Aberfeldy" (very old
Key-note D.
BONNIE lassie, will ye go,
Will ye go, will ye go,
Bonnie lassie will ye go
To the birks of Aberfeldy ?
Now simmer blinks on flow'ry braes,
And o'er the crystal streamlet plays,
Come let us spend the lightsome days
In the birks of Aberfeldy.
Bonnie lassie, &c.
While o'er their heads the hazels hing,
The little birdies blythly sing,
Or lightly flit on wanton wing,
In the birks of Aberfeldy.
Bonnie lassie, &c.
The braes ascend like lofty wa's,
The foaming stream deep roaring fa's,
O'erhung wi' fragrant spreadin' shaws,
The birks o' Aberfeldy,
Bonnie lassie, &c.
The hoary cliffs are crown'd wi' flow'rs,
White o'er the linn the burnie pours,
And risin' weets wi' misty show'rs
The birks o' Aberfeldy.
Bonnie lassie, &c.
Let fortune's gift at random flee,
They ne'er shall draw a wish frae me,
Supremely bless'd wi' love and thee
In the birks of Aberfeldy.
Bonnie lassie, &c.
