65. Of the Session to be halden: of their power and expenses.
ITEM, OURS OVERAINE LORDE the King, with consent of his Parliament lies ordained, that his Chancellar, and with him certaine discreete persones of the three Estaites, to be chosen and depute be OUR SOVERAINE LORDE the King, sall sit fra thine foorth three times in the zeir, quhair the King likis to command them: Quhilk sall knaw and examine, conclude, and finallie determine all and sundrie complaintes, causes and quarrelles, that may be determined before the King and his Councel. The quhilkis persones sall have their expenses of the parties founden faultise, and of their unlawes: or utherwise, as is pleasand to our SOVERAINE LORD the King.
66. That everie man that hes nocht of his awin, sall labour for his living.
ITEM, The King with consent of his Parliament, hes statute and ordained, that ilk Schireffe of the Realme within his Bailliarie, inquire diligentlie, gif onie idle men, that hes not to live of their awin, be received within his boundes: after the quhilk inquisition, the Schireffe sall gar arresit sik idle men, and gar keepe them in fasteneffe quhill it be knawin, quhaiaipon they live. And that the countrie sall be unskaithed of them: Thereupon the Schireffe sall receive gude and sicker burrowes. After the quhilk burrowes founden, the Schireffe sall assigne fourtie daies to sik idle men to get them Maisters, or to fallen them to lawful Craftes. And they fourtie daies beand gane, gif they be founden mair idle, the Schireffe sall arreist them againe, and sende them to the Kingis prison, to abide and be punished at the Kingis will. And that this be done alsweil in Burrowes, as on lande throw all the Realme.
67. Anent the extract and execution of the Actes of Parliament.
ITEM, The King with consent of his three Estaites of the Realme lies ordained, that all statutes and ordinances of this Parliament, and of the twa Parliamentes preceidand be registrate in the Kings Register, and given to the Schireffes: quhilkis statutes & ordinances, ilk. Schireffe be halden to publish openlie in the chiefe place of his Schirefdome, & utheris notabil places, and als to give the copies of them baith to Prelates, Barronnes, and Burrowes of his Bailliarie, upon the expenses of the askers: And that ilk Schireffe gar be keeped the tenour of this Acte, under the paine of deprivation of his Office. And that ilke Schireffe give open bidding to the people of his Bailliarie, baith to Land, and to Burgh, to keepe and fulfil all statutes and ordinances maid in the saidis three Parliamentes, under the paine conteined in the Actes of them, swa that nane have cause till pretend, or alleage onie ignorance.
FINIS.
THE FOURTH
PARLIAMENT
Or ASSISE of
KING JAMES THE FIRST,
Of weichtes and measures, Halden at Perth,the elleventh of Marche, the zeir of God, ane thousand, foure hnndreth, twentie sex zeires; And ofhis Kinrik the twentie ane zeire.
68. Anent the measure of the Elne.'
N THE First they ordained and delivered, that the Elne sall conteine thrittie seven inche, as is conteined in the statute of King David the First, made thereupon.
69. What the staue sall conteine.
ITEM, They ordained and statute, the stane to weygh iron, wooll, and uther Merchandice with, to conteine fiftene pound Trois, ilk Trois pound to conteine sextene ounce, and that stane to be divided in halfe stane, quarter, halfe quarter, pound, halfe pound, and uther smaller.
70. Of
