8
Which was nae fast: but stood a-see,
Whatever's there he thinks he’ll see;
Sae bauldly o’er the threshold ventures,
And in within the door he enters.
But Reader judge of his surprise,
When there he law with wond'ring eyes,
spacious vault weel stor’d wi casks
O’ reaming ale and some big flasks,
And stride-legs o’er a cask o' ale
He saw the likeness o'himsel,
Just in the dress that he coost ass,
A thrummy cap and oaken staff,
Gammashes and the jockey coat,
And in its hand the ghaist had got
A big four lugged timber bicker.
Fill’d to the brim wi nappy liquor.
Our hero at the spectre star’d,
But neither dauntit was nor fear'd;
But to the ghaist straight up did step,
And said, Dear brother Thrummy Cap,
The warst ye surely dinna drink———
Syne took a jug, pou'd out the pail.
And fill'd it up wi’ the same ale
Frae under where the spectre sat.
And up the stair wi’ it he gat,
Took agude drink, gae John anither,
But never tald hint o’ his brother,
That he into the cellar saw,
Mair than he’d naething seen ava,
Right brown and nappy was the beer,
Whar did ye get it? John did speer,
Says Thrumnmy Sure ye needna care.
