6
For I defy the muckle deil
And a his warks, Wat sa’ wed;
Fat sorrow then mats you sae eery,
Fling by your fears and come be cheery
Landlord gin ye'd mak up that bed,
I promise I'll be very glad,
Within the same a night to lie,
Gif that the room be warm and dry.
The landlord says, yese get a fire,
And candle too. gif ye desire,
Wi beuks to read; and for your bed.
I'll orders gie to get it made.
John says. As I’m a christian man,
Wha never lik’d to curse nor harm.
Nor steal, nor lie, nor drink, nor where
I'll never gang within its door,
But stay by the fireside a’ night,
And gang awa whene’er tis light.
Says Thrummy till him wi'a glow'r,
Ye cowardly gowk, ill ma’t ye cow’r,
Come up the stair alang wi’ me,
An I fall caution for you be.
Then Johnny saintly gae consent,
And up stairs to the room they went,
When soon they gat baith fire and light
To baud them hearty a'the night;
The landlord likewise gae them meat,
As meikle as they baith could eat,
Shew’d them their bed, and bade them gang,
To it when-’er they did think lang,
Sae wishing them a gude repose,
Straught to his ain bed syne he goes.
