7
Our travellers now being left alane,
Cause that the frost was nipping keen
Coost ass their shoon, and warm'd their feet,
And syne gade to their bed to sleep
But cowardly John wi' fear was quaking,
He couldna sleep, but still lay waking,
Sae troubled wi’ his panic fright,
When near the twalt hour o' the night.
That Thrummy waken’d and thus spoke,
Preserve’s quoth he I'm like to choak,
Wi’ drouth, an I maun hae a drink.
I will gang down the stair I think.
An' grapple for the water pail,
O for a waught o’cauler ale!—
Johnny grips till him. and says Na,
I winna let ye gang awa;
Wow will ye gang and leave me here,
Alane to die wi’ perfect fear?
Rise an' gae wi' me then quo Thrummy.
Ye sensleless gude for naething bummy,
I’m only gaun to seek tome water,
I will be back just in a clatter,
Na, na, says John, I'll rather lie,
But as I'm likewise something day,
Gif ye can get a jug or cap,
Fetch up to me a little drap.
Ay, ay, quo Thrummy that I will,
Although ye sudna get a gill,
Sae down he goes to seek a drink.
And then he thinks he fees a blink
O’ light, that shone upon the floor.
Out through the key-hole o' the door;
