Page:Welsh Medieval Law.djvu/156

ennaỽc yỽ yneb auo yn medu y dylyet dılıs.  V fo 25 b
Gỽercheıtwat yỽ yneb auo yn kynhal neu yn
gỽarchadỽ dylyet dyn arall. rı ryỽ vꝛeínt
yſſyd: bꝛeínt anyanaỽl. abꝛeínt tır. a bꝛeínt
sỽyd. ri phꝛıodolder yſſyd y pop dyn: ryỽ.  5
abꝛeínt. ac etíuedyaeth. Etıuedyaeth hagen
herwyd bꝛeínt. bꝛeınt herwyd ryỽ. ryỽ her-
wyd ygỽahan auyd rỽg dynyon herwyd kyf-
reıth. megys ygỽahan auyd rỽg bꝛenhín a
bꝛeyr. ac yrỽg gỽꝛ a gỽꝛeıc. ahynaf aıeuhaf.  10
Edeır rantır auyd yny tref y talher gỽeſt-
ua bꝛenhín o hení. Deu naỽ troetued a
uyd yn hyt gỽyalen hywel da. a deu naỽ llath-
en yhonno auyd yn hyt yr erỽ. adỽy lathen
let. Deudec erỽ atry chant y honno auyd yny  15
rantır rỽg rỽyd adyrys a choet amaes a gỽlyp
a sych eıthyr yr oꝛuot tref. ac o rantıred hyn-
ny ygelwır amhínogyon tır yg kyſreıth.
rı gỽybydyeıt yſſyd am tır. henaduryeıt
gỽlat yỽybot ach ac etrıf y dỽyn dyn ar dyly-  20
et o tır adayar. Eıl yỽ gỽꝛ o pop rantır oꝛ tref
honno yỽ amhínogyon tır yỽybot kyfran
rỽg kenedyl acharant. Tꝛydyd yỽ pan vo am-
ryſſon rỽg dỽy tref vṇ vꝛ̣eị́nṭ. Meırı achyg-
helloꝛyon a rıghylleıt bıeu kadỽ teruyneu.  25