Page:Welsh Medieval Law.djvu/157

kanys bꝛenhın bıeu teruyneu. eır tref  V fo 26 a
ar dec adyly bot ym pop maenaỽꝛ. ar tryded
ar dec oꝛ reı hynny uyd yr oꝛuot tref. ref-
ryd sỽydaỽc a thref ryd dıſſỽyd. pedeır rantır
auyd ym pop tref. y teır yn gyfanhed. ar pet-  5
wared yn poꝛua yr teır rantır. eır rantır
auyd yny tayaỽc tref. ym pop vn oꝛ dỽy y byd
trı thayaỽc. ar tryded ynpoꝛua yrdỽy. eıth
tref auyd yny vaenaỽꝛ oꝛ tayaỽc trefyd.
neb atoꝛho teruyn ar tır dyn arall: talet  10
trı buhyn camlỽꝛỽ yr bꝛenhín agỽnaet yter-
uyn yn gyſtal achynt yt teruyn pꝛıf a
uon engıryaỽl rỽg deu kymhỽt onyt yny hen-
gyrrynt. roeſuaen sef yỽ hỽnnỽ maen
ffín neu pꝛen ffín neu peth arall enwedıc a  15
vo yn kadỽ ffín: wheugeínt atal. neb atoꝛ-
ho ffín auo rỽg dỽy tref. neu aartho pꝛıffoꝛd.
wheugeínt atal yr bꝛenhín. a gỽnaet y ter-
uyn yngyſtal achynt. eſſur tır rỽg dỽy
tref oſ oꝛ tır ybyd: gỽꝛhyt a hanher. Rỽg dỽy  20
rantır: pedeır troetued. Rỽg dỽy erỽ: dỽy
gỽys. eſſur pꝛıffoꝛd bꝛenhín: deudec troet-
ued. neb agynhalyo dan vn aı̣rglỽyd deu
tır: talet y ebedıỽ oꝛ mỽyhaf y vꝛeínt.
Eſſur gỽeſtua bꝛenhín o pop tref ytaler  25