Sae will we yet (Stirling)/She's Fair and Fause
For other versions of this work, see She's Fair and Fause.
SHE’S FAIR AND FAUSE.
She’s fair and fause that causes my smart,
I loo’d her meikle and lang;
She’s broken her vow, she’s broken my heart,
And I may e’en gae hang.
A coof cam in wi’ rowth o’ gear,
And I hae tint my dearest dear,
But woman is but warld’s gear,
Sae let the bonnie lass gang.
Whae’er ye be that woman love
To this be never blind,
Nae ferlie ’tis tho’ fickle she prove,
A woman has’t by kind:
O woman lovely, woman fair!
An angel form’s faun to thy share,
’Twad been o’er meikle to gien thee mair,
I mean an angel mind.