Seven love songs/Ane and twenty, Tam
Ane and twenty, Tam;
And O for ane and twenty, Tam, And hey sweet ane and twenty, Tam!I’ll learn my kin a ratllin sang, If I saw ane and twenty, Tam.
They snool me sair and haud me down, And gar me look like bluntie, Tam;But three short years will soon wheel round, And then comes ane and twenty, Tam. And O, &c.
A gleib o’ land, a claut o’ gear, Was left me by my aunty, Tam; At kith or kin I needna speer, Gin I saw ane and twenty, Tam. And O, &c.
They’ll hae me wed a wealthy coof, Tho I myself hae plenty, Tam;But hear’st thou laddie, there‘s my loof, I‘m thine at ane and twenty, Tam. And O, &c.