Seven love songs/Thou bonnie wood of Cragie lea
For other versions of this work, see Thou Bonnie Wood of Cragie Lea.
Thou bonnie wood of Cragie lea.
Thou bonnie wood of Cragie lea, Thou bonnie wood of Cragie lea, Near thee I pass‘d life‘s early day, And won my Mary‘s heart in thee.
The broom, the brier, the birken bush, Bloom bonnie o‘er thy flowery lea;Aud a‘ the sweets that ane can wish Frae Nature‘s han are‘ strew‘d in thee. Thou bonnie, &c.
Far ben thy green planting‘s shade, The cushat croodles am‘rously;The mavis down thy bughted glade, Gars echo ring frae every tree. Thou bonnie, &c.
Awa, ye thoughtless murdering gang, Wha tear the nestlings ere they flee!They‘ll sing you yet a cantie sang, Then O in pity let them be! Thou bonnie, &c.
When winter blaws in sleety showers, Frae aff the Norland hills sae hie, He lightly skiffs thy bonnie bowers, As laith to harm a flow‘r in thee. Thou bonnie, &c.
Tho fate should drag me south the line, Or o‘er the wide Atlantic sea,The happy hours I‘ll ever mind, That I in youth hae spent in thee. Thou bonnie, &c.