Six Beautiful Songs/The Land o' the Leal

by Carolina Nairne

For other versions of this work, see The Land of the Leal.

The Land o' the Leal.

I'm wearing awa Jean,
Like snaw when its thaw Jean;
I'm wearing awa
to the land o' the leal.
There's nae sorrow there Jean,
There's nae cauld nor care Jean,
The day is ay fair,
In the land o' the leal.

Ye were ay leal an true Jean,
Your tasks ended now Jean,
And I'll welcome you
to the land o' the leal.
Our bonny bairns there Jean;
She was baith guid an fair Jean,
And we grudg'd her right fair
to the land o' the leal.

Then dry that tearfu' ee Jean,
my soul langs to be free Jean,
And angels wait on me
to the land o' the leal.
Now fare ye weel my ain Jean,
This warlds care is vain Jean,
We'll meet and ay be fain
In the land o' the leal.