Six excellant (sic) new songs (1)/March and On Wi' Charlie
MARCH AND ON WI' CHARLIE.
Air—Whistle o'er the laveo't.
I've heard the muircock's early craw,
I've seen the morning's rosy daw,
But this is blithest o' them a',
To march awa wi' Charlie.
I've seen the morning's rosy daw,
But this is blithest o' them a',
To march awa wi' Charlie.
Our Scottish flags like streamers wave
It's Charlie's sel that leads the brave
We winna flinch nor fear a grave,
But stand or fa' wi' Charlie,
It's Charlie's sel that leads the brave
We winna flinch nor fear a grave,
But stand or fa' wi' Charlie,
There's no a traitor in his clan,
There's no a heart there's no a han',
But when the notes o' weir is blawn,
Will start and on wi’ Charlie.
There's no a heart there's no a han',
But when the notes o' weir is blawn,
Will start and on wi’ Charlie.
It's wha dare now on Charlie frawn,
Or tread the northern thistle down,
Eor Scotland's right and Scotland's crown,
We'll owre the hills wi' Charlie.
Or tread the northern thistle down,
Eor Scotland's right and Scotland's crown,
We'll owre the hills wi' Charlie.