The fables of Aesop by William Caxton (Jacobs)/Vol. II/Auian/Fable 5
¶ The v fable is of the frogge and of the Foxe
One ought to auaunce hym self to
doo that whiche he[errata 1] can not
doo / As hit appiereth of a frogge /
whiche somtyme yssued or came
oute of a dyche / the whiche
presumed to haue lepte vpon a hyghe montayne
/ And whanne she was vpon the mountayne
/ she sayd to other beestes / I am a maystresse in medecyn / and canne gyue remedy to
al manere of sekenes by myn arte / and subtylyte /
and shalle rendre and brynge yow vp ageyne in
good helthe / wherof some byleued her / And
thenne the Foxe whiche perceyued the folysshe
byleue of the beesles / beganne to lawhe / and
sayd to them / poure beestes / how may this
fowle and venemous beest whiche is seke and
pale of colour render and gyue to yow helthe /
For the leche whiche wylle hele somme other /
ought fyrste to hele hym self / For many one
countersayteth the leche / whiche can not a
word of the scyence of medecyne / from the
whiche god preserue and kepe vs