The fables of Aesop by William Caxton (Jacobs)/Vol. II/Liber Quartus/Fable 16
¶ The xvj fable is of the camel / and of the flee
E that hath no myght ought not to
gloryfye ne preyse hym self of nothynge
/ As reherceth to vs this
presente fable of a camell / whiche
bare a grete charge or burden
It happed that a flee by cause of the camels
here lepte to the back of the camel / and made
her to be borne of hym all the day And whanne
they had made a grete way / And that the
camel came at euen to the lodgys / and was put
in the stable / the flee lepte fro hym to the
grounde besyde the foote of the camel / And
after sayd to the camel / I haue pyte of the /
and am comen doune fro thy back by cause that
I wylle nomore greue ne trauaylle the by the
berynge of me / And the camel sayd to the
flee / I thanke thee / how be it that I am not
sore laden of the / And therfore of hym which
may neyther helpe ne lette men nede not make
grete estymacion of