The fables of Aesop by William Caxton (Jacobs)/Vol. II/Liber Quartus/Fable 19
Jump to navigation
Jump to search
¶ The xix fable is of the sheep and of the Crowe
En ought not to iniurye ne desprayse
the poure Innocentes ne
the symple folke As reherceth
this fable / Of a Crowe / whiche
sette her self vpon the back of a
sheep / And whan the sheep had born her a
grete whyle she sayd to her / thow shalt kepe
thy self wel to sette vpon a dogge / ¶ And
thenne the crowe sayd to the sheep / Thynke
thow poure Innocent that I wote wel with
whome I playe / For I am old and malycious /
and my kynde is to lette all Innocents/ and to
be frende vnto the euyls / ¶ A[n]d therfore this
fable wylle telle and saye / how ther be folke
of suche kynde / that they wyl doo no good
werk / but only to lette euer the Innocents and
symple folke