9. Sē Hǣlend him andswarode and cwæð, Hū ne synt twelf tīda þæs dæges? Gif hwā gǣð on dæg, ne ætspyrnð hē, for þām hē gesyhþ þyses middaneardes lēoht.[1]
10. Gif hē gǣð on niht, hē ætspyrnð, for þām þe lēoht nis on hyre.[2]
11. Đās ðing hē cwæð; and syððan hē cwæð tō him, Lazarus ūre frēond slǣpð; ac ic wylle gān and āwreccan hyne of slǣpe.[3]
12. His leorningcnihtas cwǣdon, Drihten, gif hē slǣpð, hē byþ hāl.
13. Sē Hǣlend hit cwæð be his dēaþe; hi wēndon sōðlice þæt hē hyt sǣde be swefnes slǣpe.
14. Đā cwæð sē Hǣlend openlice tō him, Ladzarus ys dēad.[4]
15. And ic ēom blīþe for ēowrum þingon, þæt gē gelȳfon, for þām ic næs þār; ac uton gān tō him.[5]
16. Đā cwææð Thomas tō hys gefēran, Uton gān and sweltan mid him.[6]
I7. Đā for sē Hǣlend, and gemette þæt hē wæs forðfaren, and for fēower dagon bebyrged.[7]
18. Bethania ys gehende Ierusalem ofer fȳftȳne furlang.[8]
