26. Gif hwā þēnige mē, fylige mē; and mīn þēn bið þǣr þǣr ic eom. Gif me hwa þēnað, mīn Fæder hine wurðað.[1]
27. Nū mīn sawl ys gedrēfed; and hwæt secge ic, Fæder, gehǣl mē of ðisse tīde. Ac for ðām ic cōm on þās tīd.[2]
28. Fæder, gewuldra þīnne naman. Đā cōm stefn of heofone þus cweðende, And ic gewuldrode, and eft ic gewuldrige.[3]
29. Sēo menio þe þǣr stōd and þæt gehȳrde sǣdon þæt hyt þunrode; sume sǣdon þæt engel spǣce wið hyne.[4]
30. Sē Hǣlend him andswarode and cwæð, Ne cōm þēos stefn for mīnon þingon, ac for ēowrum þingon.[5]
31. Nū ys middaneardes dōm; nū byð ðysses middaneardes ealdor ūt āworpen.
32. And gif ic bēo ūpp āhafen fram eorðan, ic tēo ealle þing tō me sylfon.[6]
33. Ðæt hē sǣde and tācnode hwylcum dēaðe hē wolde sweltan.
34. Sēo menio him andswarode and cwæð, Wē gehȳrdon on þǣre ǣ þæt Crīst bið on ēcnysse, and hūmeta segest þū, Hit gebyrað þæt mannes[7]
