Sunu bēo ūpp āhafen? hwæt ys þēs mannes Sunu?[1]
35. Þā cwæð sē Hǣlend, Nū gȳt ys lȳtel lēoht on ēow. Gāþ þā hwile þe gē lēoht habbað, þæt þȳstro ēow ne befōn; sē þe gǣð on þȳstro, hē nāt hwyder hē gǣð.[2]
36. Þā hwīle þe gē lēoht habbon, gelȳfað on lēoht, þæt gē sȳn lēohtes bearn. Ðās þing sē Hǣlend him sǣde, and ēode and bedīglode hine fram him.[3]
37. Đā hē swā mycele tācn dyde beforan him, hī ne gelȳfdon on hyne:[4]
38. þæt ðæs wītegan word Isaias wǣre gefylled þā hē cwæð, Drihten, hwā gelȳfde þæs þe wē gehȳrdon? and hwām wæs Drihtnes strencð geswutelod?[5]
39. For þī hī ne mihton gelȳfan, for þām Isaias cwæþ eft,[6]
40. Hē āblende hyra ēagan, and āhyrde hyra heortan; þæt hī ne gesēon mid hyra ēagon, and mid hyra heortan ne ongyton, and sȳn gecyrrede, and ic hig gehǣle.[7]
41. Isaias sǣde ðās þing þā hē geseah hys wuldor, and spræc be him.[8]
- ↑ A, up; B, C, manes (second time).
- ↑ A, B, C, habbon (for habbað); A, B, C, on þystron; A, hwæder.
- ↑ A, bedyglode hyne hym (om. fram).
- ↑ A, tacen.
- ↑ Corp., B, C, ysiais (twice), A, isaias (twice).
- ↑ Corp., B, C, ysiais (twice), A, isaias (twice).
- ↑ A, heora (four times); Corp., æagon, A, B, C, eagon; A, heortan ongitan (om. ne).
- ↑ Corp., B, C, Ysaias, A, Isaias; B, C, geseh.
