gelīcost, wǣron ætgædere, and Nathanael sē wæs of Chana Galilęę, and Zebedeus suna, and ōðre twēgen þǣra leorningcnihta.[1]
3. Đā cwæð Simon Petrus tō him, Ic wylle gān on fixað. Þā cwǣdon hī tō him, And wē wyllað gān mid þē. And hī ēodon ūt, and ēodon on scip, and ne fēngon nān þing on þǣre nihte.[2]
4. Witodlīce on ǣrne mergen sē Hǣlend stōd on þām strande; ne gecnēowon þēah ðā leorningcnihtas þæt hit sē Hǣlend wæs.[3]
5. Đā cwæð sē Hǣlend tō him, Cnapan, cweðe gē hæbbe gē sufol? Hig andswarodon him and cwǣdon, Nese.[4]
6. Hē cwæð tō him, Lǣtað þæt nett on þā swīðran healfe þæs rēwettes, and gē gemētað. Hig lēton witodlīce, and ne mihton hit ātēon for ðǣra fixa menigu.[5]
7. Witodlīce sē leorningcniht þe sē Hǣlend lufode cwæð tō Petre, Hit ys Drihten. Đā Petrus gehȳrde þæt hit Drihten wæs, þā dyde hē on his tunecan, and begyrde hine, - witodlīce hē wæsæ ǣr nacod, - and scēt innan sǣ.[6]
8. Đā ōðre leorningcnihtas rēowon þār tō, - hī wǣron unfeor fram lande, swylce hit wǣre twā hund elna, - and tugon hyra fiscnett.[7]
