Page:Old English Gospel of Nicodemus - Hulme 1904.djvu/15

unsegeloden and mid þan cæigen þa locan unlucan. Ac heo þærinne Ioseph ne funden. Þa wundre [Fol. 89a] den heo ealle and wurðen afyrhte. Onmang þan þa stod þære sum of þan cæmpen be scolden habben gehealden þæs Hælendes byrigene, and heo sæden hwylc eorðstyrung heom com to. And Godes ængel heo þær gesegen swylce legeræsc and his hreaf swylce snau; and "we wurden ealle afyrhte and þær lægen swylce we deade wæren, and we geherdan þone ængel cweðen to þan wifen þæt Godes sune wære of deaðe arisen." And se ængel cwæð, "Ne ondræde ge eow," for-þan ic wat þæt ge þone Hælend seceð. Ac he nis na her, ac he is arisen swa swa he ær beforen sægde. Ac cumeð and sceawigeð hwar he aleigd wæs, and fareð hraðe and secgeð his leorningcnihten þæt heora Hlaford is of deaðe arisen, and þæt heo cumen to him on Galileam, þær heo hine mugen geseon swa swa he heom ær sægde." Đa Iudees, þa heo þæt geherden, heo leten raðe ealle þa cæmpen heom to gefeccen þe þæs Hælendes byrigene scolden healden and heom to cwæden: "Hwar is se Hælend þe eow betæht wæs? Oððe hware synd þa [Fol. 89b] wif þe se ængel wiðspæc? Witodlice se Hheolde ge þa wif þe þider comen?" Þa cæmpen heom andswereden and Hælend is arisen of deaðe; ac for hwan ne heolde ge þa wif þe þider comen?" Þa cæmpen heom andswereden and cwæden: "We nysten hwæt þa wif wæren, ne we hit wyten ne mihten,