Translation:Qolasta/Prayer 74

by Mark Lidzbarski

LXXIV.

Let the spirit and soul of the NN

be bound and sealed

by the seal of the Kuštā

and the great guardian of truth

for the sake of truthful speech

and the raising of the Jōkabar-Zīwā.

And the life is victorious.

Commentary

(lengthy commentary, to be translated in Wikisource)

Mandaic transcription

ˁsira u-htima ruha

u-nišimta ḏ-plan

b-hatma ḏ-kušṭa

u-naṭra rba ḏ-šrara

b-mimar kušṭa

u-qaiumia iukabar ziua

u-hiia zakin

s_____a

Commentary

(a) hazin dinba ḏ-ˁngirta hu atna ˁsqtak u-ṭuprak u-hiṣrak ḏ-iaminak b-ṭina u-htum u-qria hazin dinba ˁlẖ

u-hiia zakin

s_____a

(b) kḏ baiit mimnia miša l-man ḏ-napiq mn pagrẖ b-riša ˁu l-b-atraia paqdinun u-amarlun ḏ-ramin mia ˁl napaqa ˁu mandaia nihuia nimšilẖ ˁdẖ l-napaqa u-nišdilẖ miša u-nirišmẖ tlata rušumia u-nilip minẖ u-natna ˁdẖ l-pumẖ u-natnalẖ l-napaqa ˁda l-puma ḏ-napšiẖ ˁu hauilẖ ˁka l-mipaq dukta ḏ-matnilẖ nizihlun mia u-nidakunẖ u-natnulẖ mitlaiia

s_____a

(c) b-šumaihun ḏ-hiia rbia asuta tihuilia l-dilia p’ br p’t kḏ baiit mimnia miša l-man ḏ-napiq mn pagrẖ amur b-šumaihun ḏ-hiia rbia laupa u-ruaha ḏ-hiia u-šabiq haṭaiia nihuilẖ l-haza nišimta ḏ-plan br planita ḏ-haza ˁngirta u-masiqta u-aitia šiša hadta dakia ḏ-la-mšarai u-aṣur miša dakia u-rmibẖ kḏ šapir u-gdulẖ klila ḏ-asa l-šiša u-atna l-qudamak u-qria l-tagak b-šuma ḏ-hahu gabra qadmaia u-truṣ tagak b-rišak u-qria la-ganbia tagak hiia qiriuia u-nhur nhura u-manda qran la-ganbia tagak u-qria haial kbar raza rba ḏ-ziua u-nhura u-ˁqara u-krik pandamak l-pumak u-nisbẖ l-šiša b-ˁdak u-qria mia anatun hiia l-šiša u-qria hal hiia qadmaiia l-riha u-rmia riha l-nura u-qria audin u-tušbihan u-ˁlkun dilkun u-mišqal ainia u-šiša b-ˁdak nihuia u-buia l-bit mišqal ainia u-dukta ḏ-amar tikpar u-tišqal mn plan haṭaiiẖ u-haubẖ u-skilatẖ u-tiqlatẖ u-šabašatẖ tirmia b-tasniqia ḏ-arqa u-b-ˁbdunia titaiia ḏ-hšuka u-taqmẖ b-zakaiia ḏ-lau b-haiabia u-biatiria ḏ-lau b-hasiria qudamak manda ḏ-hiia mn ziuak tialbšiẖ u-mn nhurak tikasiiẖ u-mn klilak raiza titruṣlẖ b-rišiẖ ḏ-haza nišimta ḏ-plan u-balak alma l-dinba b-zahruta qria

(d) u-qria tmania bauata ḏ-pihta l-šiša u-tartin bauata ḏ-mambuha l-šiša u-qria l-klila ḏ-asa nhar nhura u-zhira u-mzahra u-truṣlẖ l-šiša b-rišiẖ u-qria asgia manda ḏ-hiia l-kukbia hizua šra l-šiša u-dra miša b-ṣbitak rišaita mn puma ḏ-šiša u-qria nukraiia hazin ziua u-nhur hiia u-dukta ḏ-amar mipaq ruha u-nišimta amur ḏ-plan u-dukta ḏ-amar u-atia ṣaurˁil šaruia ḏ-šaria ruha u-nišimta amur ḏ-plan u-bma ḏ-bẖ ršum l-puma ḏ-šiša u-dukta ḏ-amar bit abatur ršum l-puma ḏ-šiša u-dukta ḏ-amar azlat ruha ḏ-plan u-huat kḏ zan nišimta u-ˁtqaimat bit hiia u-hiia zakin ršum l-puma ḏ-šiša u-qria ašar ṣban ṣabuha u-b-šuma ḏ-hiia ṣbina u-brẖ ana ḏ-man mana smira u-albiš ṭina l-šiša u-ns[i]b ˁsqatak b-tlat ṣbatak ˁlianak u-ṣbitak ḏ-abihdia ˁlianak u-hiṣrak u-qria ˁngirta mhatamta ḏ-napqa minẖ mn alma u-kil dukta ḏ-amar ˁngirta b-kušṭa k<d>iba u-htima bˁsqat rurbia htum bˁsqtak u-ṭuprak u-hiṣrak u-alma l-dinba u-atna l-ˁsqtak u-ṭuprak u-hiṣrak b-ṭina u-qria ˁsira u-htima ruha u-nišimta ḏ-plan b-hatma ḏ-kušṭa u-naṭra rba ḏ-šrara b-mimar kušṭa u-qaiumia iukabar ziua u-dal ˁsqtak u-ṭuprak u-hiṣrak minẖ u-atna l-qudamak u-qria mšabin hiia qadmaiia u-dukta ḏ-amar truṣ ainaikun amur l-plan u-pandamak l-pumak nihuia u-qria ˁtriṣtun u-ˁtqaiamtun b-atra ḏ-ṭabia mitqaimia binia mania ḏ-nhura nišimta ḏ-plan hatam ba-nhura titqaiam u-mkalalna u-šakibna u-minẖ mn šaruia u-binia kisia l-ziua u-niaha u-šalma nihuia b-ˁuhra ḏ-adam kišrẖ u-ˁrutai u-tušbihtai u-ˁzil b-šlam b-hira dakia zakaia ḏ-muma lit-bẖ u-mana bginzia hadia u-ṭubak ṭubak nišma ḏ-npaqt minẖ mn alma u-habšaba u-kana ḏ-zidqa u-zidana u-mzaudana u-sliq u-asqan minẖ u-iuma ḏ-napiq nišma u-qria brikia u-mšabia hiia ḏ-nišmata haka qria brikia u-mšabia hiia ḏ-šum br nu u-dukta ḏ-amar ˁhablkun mn klil aiar amur plan u-qria ṭab ṭaba l-ṭaba u-ˁtraham ˁlẖ u-šbuqlẖ haṭaiiẖ u-haubẖ u-ahbalẖ l-man ḏ-iahbatlẖ u-pšuṭ kušṭa minẖ ḏ-pašiṭ abihdia napaqa u-amarlẖ hazin kušṭa ḏ-ana asparlak anat asparlẖ l-abatur ˁu msarhib l-midirẖ paṣ kḏ qarit ˁngirta mhatamta ḏ-napqa minẖ mn alma u-ˁsira u-htima ruha u-nišimta ḏ-plan u-ahbalẖ l-man ḏ-iahbatlẖ u-pšuṭ kušṭa minẖ ḏ-pašiṭ abihdia napaqa u-amarlẖ hazin kušṭa asparlẖ l-abatur u-haizak anat pandamak l-pumak nihuia u-qria mšabin hiia qadmaiia u-ˁtriṣtun u-ˁtqaiamtun alma l-ṭab ṭaba lṭaba hakuat ḏ-ˁmarlak u-ˁtraham ˁlẖ b-bauata u-drašia u-qaiamta ḏ-masiqta mn riš u-alma l-dinba u-balak l-šuma ḏ-hanatẖ ḏ-maniatlẖ miša la-tibṣar u-bṣilaiit u-zahruta qria

u-hiia zakin

s_____a

(e) u-haizak anat bˁ buta l-napšak ham kḏ pandama lgiṭit u-šauia pihta u-mambuha l-napšak u-qria malil u-pta hiia rbia b-pumaihun u-akul pihta u-štia mambuha u-qria ˁtimlun u-škinia hiia l-napšak u-qria ṭab ṭaba l-ṭaba u-pšuṭ kušṭa l-napšak u-auqar tagak u-ˁzdahar ˁzdahar ˁzdahar ḏ-šarit mindam mn širiata lbar mn pandamak l-hudẖ abatar ḏ-baiit buta l-napšak

u-hiia zakin

s_____a

(f) hazin braka ḏ-miša ḏ-braklẖ bihram brẖ ḏ-adam l-haua ˁmẖ zaua ḏ-adam kḏ nipqat mn pagrẖ kḏ hibil ziua qudamaihun hua iatib hua hazin braka ḏ-miša b-diuan ḏ-ramuia br br ˁqaimat mn ṭib mata ḏ-hua ktib mn zazai ḏ-gauazta br haua u-kidbẖ baian hibil br brik iauar haka u-zirẖ b-halin sidria bma ḏ-naṣuraiia mn diuan ḏ-napšiẖ ḏ-ansa mn diuan ḏ-ramuia br ˁqamat ḏ-štihkat luat haiuna pt iahia u-bainai br zakia u-amar baian hibil br brik iauar kḏ hua ktiba ktabtẖ u-kulhun razia ḏ-miša b-gauẖ hun hua alma l-ˁurašlam mdinta ḏ-iahuṭaiia kḏ hazin razaihun

u-hiia zakin

s_____a

(g) man ḏ-maniatlẖ miša paqdinun ḏ-nizdahrun ˁu la-napiq mn pagrẖ naitunẖ luatak u-qria ˁlẖ b-ziu ḏ-npiš ṣbina u-palṭẖ l-hatma u-adiiẖ u-šudiiẖ b-iardna

(h) kḏ manit miša hzia šagit ˁu šagit baiia masiqta ḏ-šitin l-man ḏ-napilẖ miša šapir ˁu la-mgaiid midirẖ qria ˁlẖ šitin masqata u-šaba arabata b-maḏbẖ rušmẖ u-bit abatur rušmẖ

(i) - [omitted]

(j) ˁu nišma ṭaba u-mhaimna hu ḏ-ˁtlẖ anašia abdia ṭabuta abatrẖ aitia tarmidia u-qria ˁlẖ šitin masqata b-saka b-kul mindam b-masiqta ḏ-šitin bma ḏ-bẖ rušmẖ l-hudẖ u-bit abatur rušmẖ l-hudẖ u-b-šaba arabata bma ḏ-bẖ rušmẖ l-hudẖ b-masiqta b-atraita bit abatur rušmẖ l-hudẖ u-ršum nišmata ḏ-abahatak

(k) u-dbaiit l-masiqta bisra u-mia ḏ-buta u-riha u-pihta u-hamra u-klila u-miša

(l) u-b-šaba arabata kul ḏ-baiit mn rahbata atna abihdia halin razia kd mqaimit masiqta druš drašia ḏ-nišmata ḏnišimta b-npiš hlia u-ˁtraham

(m) l-nišimta ḏ-napilẖ miša šapir qria ˁlẖ šaba arabata u-naṣuraiia u-mandaiia u-mhaiminia u-bˁ l-masiqta audin u-tušbihan u-ˁlkun dilkun u-mišqal ainia u-bit mišqal ainia u-nibzia kulhun ḏ-pihta u-nibzia kulhun ḏ-mambuha u-kulhun asaria u-širiata ḏ-masiqta mn riš u-alma l-dinba u-balak haqar hlia napšak b-drašia u-ˁtraham ˁlẖ u-šbuqlẖ haṭaiia

u-hiia zakin

s_____a

(n) u-haizak apriš u-amar hibil ziua kul man mn naṣuraiia ḏ-masiqta niqria u-nipaliṭ pandamẖ u-mia ḏ-buta nitbar nihuia ˁlẖ giuṭa rba u-la-nihiziẖ l-naṣbẖ u-nitimhia b-mhita rabtia ḏ-ˁtimhibẖ bukra qadmaia aminṭul ḏ-hṭa u-askil qudam abahatẖ u-ana hibil ziua la-ˁhišbẖ b-hušbanai u-b-minianai la-ˁminiaẖ u-amar hibil ziua kul man mn naṣuraiia ḏ-pandama nilgaṭ u-mia ḏ-buta la-nitbar adqaimia b-pagraihun nihuilẖ sigia u-ˁmra u-šima ḏ-lašna u-lašania kul mindam ḏ-abahatẖ paqduia u-labad ˁbidata ḏ-iušamin abad u-la-ˁhablẖ mnata l-sumqaq aina u-b-hauma ḏ-sumqaq aina la-qam kul man ḏ-halin razia abid u-pandama nilgaṭ kḏ lagiṭ pandama kulhin qiriata ḏ-hšuka nitkarkan mn qudamẖ u-tinhar dmutẖ l-uataian u-kul mindam ḏ-abid nitqaiam

u-hiia zakin

s_____a